Rekstrarstjóri viðhalds / Maintenance Superintendent Job Listing at Alcoa in Reyðarfjörður (Job ID Req-33632)

Description

Mótaðu veröldina þína

Sem starfsmaður Alcoa verður þú mikilvægur hluti af tilgangi fyrirtækisins: að nýta tækifærin til að ná árangri. Í okkar augum er sérhver starfsmaður Alcoa teymismaður, hugmyndaskapari og heimsmótandi.

Almennt um starfið

Markmið og tilgangur starfs

Rekstrarstjóri viðhalds er ábyrgur fyrir framkvæmd alls viðhalds fyrir skilgreint framleiðsluferli og hefur heildaryfirsýn yfir öll verkefni tækniteymis áreiðanleika. Rekstrarstjóri viðhalds er yfirmaður leiðtoga og veitir stuðning við störf iðnaðarmanna. Rekstrarstjóri viðhalds vinnur með iðnaðarmannateymi í að byggja upp þekkingu, innleiða besta þekkta verklag og veita tæknistuðning við viðhald.

Verksvið eða meginverkefni starfsins

Dagleg eftirfylgni viðhalds: Rekstrarstjóri viðhalds fylgir daglega eftir þjónustusamningi viðhalds og framleiðslu. Tekur þátt í DMS fundum framleiðslu og upplýsir um stöðu viðhalds frá degi til dags. Fylgir eftir daglegri framkvæmd viðhalds og afhendingu búnaðar til og frá viðhaldi.

Viðhaldskostnaður: Rekstrarstjóri heldur utan um viðhaldskostnað og fylgir eftir að unnið sé innan kostnaðaráætlunar hvers mánaðar. Tilkynnir frávik frá kostnaðaráætlunum til framkvæmdastjóra svæðis og skilar inn árlegri kostnaðaráætlun næsta árs inn í áætlanagerð Fjarðaáls.

Tæknistuðningur: Rekstrarstjóri viðhalds veitir leiðtoga og iðnaðarmönnum tæknistuðning við flókin viðhaldsverk og bilanagreiningar. Heldur utan um tæknigögn búnaðar fyrir framleiðsluferli og aðgengi að þeim. Metur áhrif tæknilegra lausna og breytinga á rekstur framleiðsluferlis.

Samþykkt viðhaldsverka og forgangsröðun: Rekstrarstjóri viðhalds samþykkir inn allar verkpantanir sem koma inn gagnvart kostnaði og gæðum upplýsinga sem fylgja verkpöntun. Vinnur með planara og viðhaldsleiðtoga í forgangsröðun viðhaldsverka og styður við plönun gagnvart backlog mælikvörðum. Rekstrarstjóri samþykkir daglega alla endurplönun viðhaldsverka úr framkvæmd viðhalds sem ekki er hægt að ljúka innan sömu viku.

Umbætur: Styður þétt við innleiðingu og framkvæmd áreiðanleikaverkefna. Fylgir eftir umbótum í viðhaldskerfi og styður við tæknihóp í umbótum.

UHÖ- og gæðaúttektir: Ábyrgðamaður fylgir eftir framkvæmd viðhalds með reglulegum UHÖ og gæðaúttektum og gefur endurgjöf til iðnaðarmanna.

Ábyrgð í starfi

Rekstrarstjóri viðhalds starfar í umboði framkvæmdarstjóra áreiðanleikateymis. Meginábyrgð rekstrarstjóra er eftirfylgni viðhalds og eru ábyrgðarsvið hans m.a.:

· Vinna skv. samþykktum ferlum og verklagsreglum.

· Að tryggja að öll viðhaldsverk er snerta öryggi og heilsu séu virk og framkvæmd, að öðrum kosti tilkynna um frávik.

· Að stýra áætlunargerð fyrir viðhaldskostnað kerfa.

· Að fylgjast með viðhaldskostnaði og rekstri kerfa - upplýsingagjöf til framkvæmdarstjóra og framleiðsluteymis.

· Uppfæra mælikvarða fyrir framleiðslukerfi á sínu svæði samkvæmt skilgreiningu.

· Innleiða viðhalds og áreiðanleikastaðla með stöðugan rekstur og kostnað sem viðmið.

· Tæknistuðningur gagnvart breytingarverkefnum með framleiðslu.

· Virkja rótargreiningar á bilunum sem falla innan skilgreindra marka.

· Vinna með framleiðslu og plönun fyrirbyggjandi viðhalds að framleiðslu og viðhaldsáætlunum næstu 5 vikna.

· Fylgjst vel með öllum megin viðhaldsverkum á sínu svæði.

· Fylgja eftir flæði í óplönuðu viðhaldi (flókin verk og þau sem skarast milli vakta)

· Að styðja hátt þekkingarstig iðnaðarmanna í samstarfi við leiðtoga viðhalds.

· Meta mögulegar lausnir til að auka áreiðanleika og endingu búnaðar.

· Tilkynning starfsloka til mannauðsteymis og þátttaka í ráðningu nýrra starfsmanna.

Um starfsstöðina

Álver Alcoa Fjarðaáls á Reyðarfirði er eitt nútímalegasta og tæknivæddasta álver í heimi, og það er til fyrirmyndar hvað varðar umhverfisvernd. Álver Fjarðaáls er það stærsta á Íslandi með framleiðslugetu allt að 360.000 tonn af áli á ári. Starfsmenn okkar vinna saman að því að skapa heilbrigða vinnustaðamenningu og fjölskylduvænt vinnuumhverfi með áherslu á náið samstarf við nærsamfélagið og hagsmunaaðila.

Við erum gildisdrifin, knúin framtíðarsýn og sameinuð af tilgangi okkar að að nýta tækifærin til að ná árangri. Skuldbindingar okkar varðandi þátttöku, fjölbreytni og jöfnuð fela í sér að bjóða upp á trausta vinnustaði þar sem öryggi og virðing eru í heiðri höfð og allir einstaklingar eru án aðgreiningar, lausir við mismunun, einelti og áreitni og að vinnustaðir okkar endurspegli fjölbreytileika samfélaganna sem við störfum í.

Þetta er staður þar sem þú hefur vald til að gera þitt besta, vera þú sjálf/ur sjálf og upplifa sanna tilfinningu fyrir því að tilheyra. Slástu í hópinn og mótaðu starfsferil þinn með okkur!

Vinnan þín. Veröldin þín. Mótaðu þau til betri vegar.